নৈ আৰু মৰাসুঁতি
নৈ আৰু মৰাসুঁতি
কাইলৈৰ পৰা আকৌ বুকুত পাহাৰ লৈ
ঘুৰিম, টোপনি যাম,
সচাঁই মিচাই সপোন দেখিম,
দৈনন্দিন কাম সামৰি
নিজৰ মগজুক পাগুলিয়াই থাকিম ৷
.
পাহাৰখনৰো হৃদয় আছে
উত্তাপ পালেই গলি
নৈ হৈ বয় সাগৰ বিচাৰি
সাগৰো যে বহু দূৰ
বতাহে কাণে কাণে কয় ।
.
নদীখনো আজি শান্ত
কলিজাও চেঁচা
ক্লান্ত দেহ
এৰি দিলো নৈৰ বুকুত
.
মৰাসুঁতি হোৱাৰ আগতেই
জোনৰ পোহৰত দুখবোৰ একাত্ম হওঁক,
.
নৈ আৰু মৰাসুঁতি
দুয়ো আপোন
নৈখনে নিৰৱছিন্নভাৱে ইতিহাস সামৰে
আৰু মৰাসুঁতি. . .!
সুখৰ সাগৰত যন্ত্ৰণাৰ ঢৌবোৰ শুহি লয়৷
Comments
Post a Comment